Categories
ANDHRA PRADESH CRIME

రంగనాయకి తో పాటు రఘునాద్ కు సీఐడీ నోటీసు

సోషల్ మీడియాలో అసత్యప్రచారాలపై కొరడా జుళిపిస్తున్న ఏపీ సీఐడీ

విశాఖ ఎల్జి పాలిమర్స్ గ్యాస్ విషయంలోతప్పుడు ప్రచారం చేసిన వారికి బిగుస్తున్న ఉచ్చు

ప్రజలని రెచ్చగొట్టే విదంగా పోస్టింగ్ పెట్టిన రంగనాయకమ్మ పై కేసునమోదు

కేంద్ర ,రాష్ట్ర ప్రభుత్వాలను తప్పుపడుతూ పెట్టిన పోస్టుకు సహకరించిన హైదరాబాద్ కు చెందిన రఘునాద్ కు సీఐడీ నోటీసు

సున్నితమైన అంశంలో ప్రభుత్వం పై ప్రజలకు నమ్మకం పోయేలా ప్రచారం జరిగింది -సీఐడీ ఎస్పీ సరిత

ఏ వయసు వారు తప్పుచేసినా శిక్ష తప్పదు -సీఐడీ ఎస్పీ సరిత

ప్రజలను అయోమయానికి గురిచేసేలా ఎవరు ప్రచారం చేసినా శిక్ష తప్పదు -సీఐడీ ఎస్పీ సరిత

మొదటిసారి తప్పు చేసిన వారికి న్యాయస్థానం 3 ఏళ్ళ జైలుశిక్ష ,ఐదులక్షల జరిమానా విదిస్తుంది -సీఐడీ ఎస్పీ సరిత

రెండోసారీ తప్పుచేస్తే ఐదేళ్ల జైలు శిక్ష పదిలక్షల జరిమానా విదిస్తుంది -సీఐడీ ఎస్పీ సరిత

Categories
ANDHRA PRADESH FEATURED LOCAL

ఏపీలో e-పాస్ పొందండిలా!

అత్య‌వ‌స‌ర ప్ర‌యాణాలకు ఆంధ్ర‌ప్ర‌దేశ్‌వాసులు
ఈ పాస్ కోసం ద‌ర‌ఖాస్తు చేసుకోండిలా…
Andhra Pradesh Police

రాష్ట్ర ప్రజల క్రియాశీల సహకారంతో ప్రభుత్వం వైరస్ నియంత్రణకు నిరంతరం చర్యలు తీసుకుంటోంది. ఈ ప్రక్రియలో భాగంగా, రాష్ట్ర సరిహద్దులు పూర్తిగా మూసివేయబడ్డాయి. అయినప్పటికీ, కిరాణా, ఇతర నిత్యావసర వస్తువులు పౌరులకు అందుబాటులో ఉండేలా రాష్ట్ర ప్రభుత్వం అనేక చర్యలు తీసుకుంది. ఈ పరిస్థితిలో కొంతమంది ప్రజలు అత్యవసర పరిస్థితుల్లో ప్రయాణించడంలో ఇబ్బందులు ఎదుర్కొంటున్నారని, ముఖ్యంగా మెడికల్ ఎమర్జెన్సీ తో ప్రయాణించేవారు, కుటుంబంలో మరణం, సామాజిక పనుల కోసం, ప్రభుత్వ విధి నిర్వహణలో లేదా ఇతర అత్యవసరమైన వాటి కోసం ప్రయాణించడానికి ఇక్కట్లు పడుతునట్లు ముఖ్యమంత్రి దృష్టికి వచ్చింది. ఈ సమస్యలను పరిష్కరించడానికి, ప్రయాణానికి అవసరమైన వారికి పాస్ ఇవ్వమని పోలీసు శాఖను ఆదేశించారు. ముఖ్యమైన పని నిమిత్తం మాత్రమే ప్రజలు, పౌరులు E-PASS (ఈ-పాస్‌)ల కోసం దరఖాస్తు చేసుకునే అవకాశం కల్పించింది.
అత్యవసర పాస్‌ల కోసం అభ్యర్థించే వారు ఈ క్రింది సమాచారాన్ని అందించాలి:
1. ఫోటోతో పాటు పూర్తి పేరు, మొబైల్ నంబర్
2. మెడికల్ సర్టిఫికెట్లు, అధికారిక లేఖలు మొదలైనవి అప్‌లోడ్.
3. ఆధార్‌ను అప్‌లోడ్ లేదా ఏదైనా గుర్తింపు కార్డు
4. పూర్తి ప్రయాణ వివరాలు.
5. ప్రయాణించే వాహన పూర్తి వివరాలు, ప్రయాణీకుల సంఖ్య. కారుకు (1+3) అనుమతి.
Https: citizen.appolice.gov.in వెబ్‌సైట్‌లో పైన పేర్కొన్న అన్ని వివరాలతో పౌరులు/ ప్రజలు కోవిడ్ 19 అత్యవసర వాహన e-pass కోసం దరఖాస్తు చేసుకోవచ్చు. ఆమోదించబడితే వాహన అత్యవసర e-pass ను దరఖాస్తు చేసుకున్నా వారి మొబైల్ నెం లేదా మీరు దరఖాస్తు చేసిన మెయిల్ ఐడికి పంపబడతాయి. వెబ్‌సైట్ నుండి జారీ చేసిన అత్యవసర పాస్‌లు మాత్రమే అంగీకరించబడతాయి. అత్యవసర వాహన పాస్‌తో పాటు, పౌరులు ప్రయాణించేటప్పుడు వారి ఒరిజినల్ ఐడి కార్డును కూడా తప్పనిసరిగా తీసుకెళ్లాలి. సమర్పించిన వివరాల ధృవీకరణ తరువాత, వీలైనంత త్వరగా ఈ-పాస్ జారీచేస్తారు. తప్పుడు సమాచారం ఇచ్చే వారిపై తగిన చర్యలు తీసుకుంటారు.

Categories
ANDHRA PRADESH CRIME FEATURED

విశాఖ ఘటనలో మృతుల కుటుంబాలకు కోటి రూపాయల ఎక్స్ గ్రేషియా

ఎల్జీ పాలిమర్స్‌లో గ్యాస్‌ లీకేజీ సంఘటన దురదృష్టకరమని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. ఈ దుర్ఘటనలో అస్వస్థతకు గురై కేజీహెచ్‌లో చికిత్స పొందుతున్నవారిని ఆయన గురువారం పరామర్శించారు. అనంతరం ముఖ్యమంత్రి ఉన్నతాధికారులతో సమీక్ష నిర్వహించారు. ఈ సందర్భంగా సీఎం వైఎస్‌ జగన్‌ మాట్లాడుతూ ‘ఈ సంఘటనకు సంబంధించి లోతుగా అధ్యయనం చేసేందుకు ఓ కమిటీని వేసి నివేదిక సమర్పించాలని ఆదేశించాం. ఇటువంటి సంఘటనలు పునరావృతం కాకుండా తీసుకోవాల్సిన చర్యలపై ఈ కమిటీ నివేదిక ఇస్తుంది.

ఇక మృతుల కుటుంబాలకు నా ప్రగాఢ సానుభూతి తెలుపుతున్నా. జరిగిన దుర్ఘటనలో చనిపోయిన మనుషులను వెనక్కి తీసుకురాలేకపోయినా… మనసున్న మనిషిగా బాధితుల కుటుంబాలకు అన్నిరకాలుగా అండగా ఉంటానని హామీ ఇస్తున్నా. చనిపోయిన ప్రతి కుటుంబానికి కోటి రూపాయలు ఆర్థిక సాయం అందిస్తాం. అంతేకాకుండా హాస్పటల్‌లో వైద్యం పొందుతున్నవారికి కూడా ప్రభుత్వం ఆదుకుంటుంది. బాధితులు కోలుకునేవారకూ వారికి చికిత్స అందిస్తాం. మృతుల కుటుంబాలను అన్నివిధాలుగా ఆదుకుంటాం.

ఎల్జీ లాంటి గుర్తింపు ఉన్న సంస్థలో ఇలాంటి దుర్ఘటనలు జరగటం బాధాకరం. గ్యాస్‌ లీక్‌ అయినప్పుడు అలారం ఎందుకు మోగలేదో తెలియరాలేదు. మరోవైపు సంఘటన జరిగిన వెంటనే అధికారులు సమర్థవతంగా పని చేశారు. ఉదయం 4 గంటల నుంచే కలెక్టర్‌, ఎస్పీ సహాయక చర్యల్లో నిమగ్నమై ఉన్నారు’ అని తెలిపారు. కాగా ఎల్జీ పాలిమర్స్‌లో గ్యాస్‌ లీకై తొమ్మిదిమంది మృతి చెందగా, సుమారు 200మంది అస్వస్థతకు గురయ్యారు

Categories
ANDHRA PRADESH FEATURED

ఏపీలో పెరిగిన మద్యం ధరలు ఇవే

ఏపీ లో పెరిగిన మద్యం ధరలు ఇలా ఉన్నాయి
పెరిగిన మద్యం ధరలు..

బీరు 330ml – పెరిగిన ధర 20రూ.

500/650ml -30 రూ.
30000ml – 2000రూ.
50000ml- 3000రూ.

రెడీ టూ డ్రింక్ 250/275ml. – 30రూ.పెరుగుదల

180ml ధర 120రూ.కంటే తక్కువ ఉన్న వాటిపై పెంపు

60/90ml.- 10రూ.పెరుగుదల
180 ml – 20రూ.పెరుగుదల
375ml – 40రూ.పెరుగుదల
750ml – 80రూ.పెరుగుదల
1000ml -120రూ.పెరుగుదల
2000ml – 240రూ.పెరుగుదల

180ml ధర 120 నుంచి 180 రూ.మధ్యలో ఉన్న వాటిపై పెంపు

60/90ml.- 20రూ.పెరుగుదల
180 ml – 40రూ.పెరుగుదల
375ml – 80రూ.పెరుగుదల
750ml – 160రూ.పెరుగుదల
1000ml -240రూ.పెరుగుదల
2000ml – 480రూ.పెరుగుదల

150రూ.కంటే ఎక్కువ ధర ఉన్న వాటిపై పెంపు

60/90ml.- 30రూ.పెరుగుదల
180 ml – 60రూ.పెరుగుదల
375ml – 120రూ.పెరుగుదల
750ml – 240రూ.పెరుగుదల
1000ml -360రూ.పెరుగుదల
2000ml – 720రూ.పెరుగుదల

Categories
ANDHRA PRADESH

ప్రముఖ వ్యాపార వేత్త, సీనియర్ బీజేపీ నేత కాటూరి రవీంద్రకు శుభాకాంక్షల వెల్లువ.

ఏపీ బీజేపీ సీనియర్ నేత, ప్రముఖ వ్యాపారవేత్త కాటూరి రవీంద్ర కు పలువురు ప్రముఖులు పుట్టినరోజు శుభాకాంక్షలు తెలియజేశారు. అర్ధరాత్రి నుంచే జన్మదిన శుభాకాంక్షలు వెల్లువెత్తాయి. ఢిల్లీ నుంచి సీనియర్ బీజేపీ నేతలు పలువురు ఫోన్ చేసి కాటూరి రవీంద్రకు జన్మదిన శుభాకాంక్షలు తెలియజేశారు. కరోనా ఆపత్కాలంలో కాటూరి సూరన్న ట్రస్ట్ ద్వారా పేదలకు అందిస్తున్న సాయంపై కాటూరి రవీంద్రను ప్రశంసించారు. రానున్న కాలంలో మరిన్ని సేవలు అందించడానికి తమ పూర్తి సహకారం ఉంటుందని రవీంద్రకు హామీ ఇచ్చారు

స్నేహశీలి, నిగర్వి, ఆపత్కాలంలో నేనున్నా అంటూ ముందుకొచ్చే రవీంద్ర కాటూరి ఇటీవల కాలంలో సామజిక సేవలు ఉదారంగా, ఉధృతంగా నిర్వహిస్తున్నారు. కరోనా కల్లోలం సామాన్యుణ్ణి పెకిలిస్తుంటే.. నిరుపేదలకు కొండంత అండగా నిలిచారు. నిరుపేదలకు నిత్యావసరాలు అందించి ఆదుకున్నారు. విధి నిర్వహణలో ఉన్న పోలీసులకు, జర్నలిస్టులకు నిత్యవసరాలతో పాటుగా ఆర్ధిక సాయం అందించారు. నోరులేని మూగ జీవాల కోసం పశుగ్రాసం సరఫరా చేయించారు. విశాఖ కేంద్రంగా దశబ్ధంన్నర కాలంగా కాటూరి రవీంద్ర పార్టీలకతీతంగా విరివిగా సొంత ఖర్చులతో సేవా కార్యక్రమాలు నిర్వహిస్తున్నారు. బీజేపీ అధిష్టానం ఆశీస్సులు పుష్కలంగా ఉన్న కాటూరి రవీంద్ర కరోనా సమయంలో చేసిన సేవల్ని గుర్తించి అధిష్టానం ప్రశంసించింది.

ప్రముఖ వ్యాపారవేత్త అయిన కాటూరి రవీంద్రకు శుభాకాంక్షలు తెలిపిన వారిలో ఢిల్లీ హోం పేషీతో పాటు, బీజేపీ సీనియర్ నేతలు రఘునందన్, మహిళా సీనియర్ నేతలు, ఏపీ బీజేపీ ప్రముఖులు, తూర్పుగోదావరి, పశ్చిమగోదావరి జిల్లాలనుంచి వైసీపీ, జనసేన ఇంకా పలు పార్టీల నాయకులు, వ్యాపారవేత్తలు, డాక్టర్లు, ఏపీ సెక్రటేరియట్ సిబ్బంది , విశాఖ జిల్లా సీనియర్ లీడర్లు, పోలీసు సిబ్బంది ఉన్నారు.

తెలంగాణ

Categories
ANDHRA PRADESH

రెడ్ జోన్ జిల్లాలను ప్రకటించిన ఏపీ ప్రభుత్వం

ఏపీలో రెడ్, ఆరెంజ్, గ్రీన్ జోన్లు ప్రకటించిన ప్రభుత్వం ఆంధ్రప్రదేశ్ లో రెడ్‌, ఆరెంజ్‌, గ్రీన్‌ జోన్లను ప్రభుత్వం ప్రకటించింది.

రెడ్‌జోన్‌ జిల్లాలు: కర్నూలు, గుంటూరు, కృష్ణా, నెల్లూరు, చిత్తూరు

ఆరెంజ్‌ జోన్‌ జిల్లాలు: తూర్పు గోదావరి, పశ్చిమ గోదావరి, కడప, అనంతపురం, శ్రీకాకుళం, ప్రకాశం, విశాఖ

గ్రీన్‌జోన్ జిల్లా : విజయనగరం జిల్లా

Categories
ANDHRA PRADESH FEATURED NATIONAL

అన్ని షాపులు తెరచుకోవచ్చు.. కండిషన్స్ అప్లై!

వినియోగదారులకు ఊరట, అన్ని షాపులు తెరచుకోవచ్చు.. కండిషన్స్ అప్లై – కేంద్ర హోంమంత్రిత్వ శాఖ అర్ధరాత్రి ఉత్తర్వులు

★ దేశవ్యాప్తంగా అన్ని రాష్ట్రాల్లో ప్రజలు, వ్యాపారులు డిమాండ్ చేస్తుండటంతో కేంద్ర హోంశాఖ శుక్రవారం కీలక నిర్ణయం తీసుకుంది.

★ దేశవ్యాప్తంగా అన్ని షాపులు ఇకమీదట తెరచుకోవచ్చని తెలిపింది.

★ ఐతే… కొన్ని కండీషన్లు పెట్టింది. షాప్స్ అండ్ ఎస్టాబ్లిష్‌మెంట్ యాక్ట్‌లో రిజిస్టర్ అయిన షాపులు మాత్రమే తెరవొచ్చని కేంద్రం తెలిపింది.

★ ఆయా రాష్ట్రాల ప్రభుత్వాలు, కేంద్ర పాలిత ప్రాంతాల్లో పాలకుల అనుమతి తప్పనిసరి మార్గదర్శనం చేసింది.

★ ఉదాహరణకు తెలంగాణ ప్రభుత్వం మే 7 వరకూ సంపూర్ణ లాక్‌డౌన్ విధించింది కాబట్టి… తెలంగాణలో కేంద్రం రూల్ వర్తించదు.

★ అదే ఏపీలో కేంద్ర వెసులుబాట్లు అమల్లో ఉన్నాయి కాబట్టి ఏపీలో అన్ని షాపులూ తెరచుకోవచ్చని ఏపీ ప్రభుత్వం గ్రీన్ సిగ్నల్ ఇస్తే… కేంద్ర చెప్పిన కండీషన్ల ప్రకారం షాపులు తెరచుకోవచ్చు.

★ దేశవ్యాప్తంగా షాపింగ్ మాల్స్ మాత్రం తెరవడానికి వీల్లేదు.

★ మరో ముఖ్య విషయమేంటంటే, హాట్ స్పాట్లు, కంటైన్‌మెంట్ జోన్లు ఉన్నచోట మాత్రం ఏ రాష్ట్రంలోనైనా సరే, షాపులు తెరవడానికి వీల్లేదు.

★ ఇప్పటివరకూ ఆయా రాష్ట్రాల ప్రభుత్వాలు కిరాణా షాపులు, నిత్యవసర, అత్యవసర, మందులు, ఫార్మసీ షాపులు మాత్రమే తెరవొచ్చని కండీషన్ పెట్టింది.

★ ఇప్పుడు మాత్రం అన్ని రకాల షాపులూ తెరచుకోవచ్చునని వెసులుబాటు కల్పించింది.

★ ప్రజలు సామాజిక దూరంపాటిస్తూ,మాస్క్, శానిటేజర్లు వాడుతూ, కేంద్రం, వివిధప్రభుత్వాలు ఇచ్చిన ఈ వెసులుబాటును వినియోగించుకోవాలి.

★ లేకపోతే కరోనావైరస్ సామాజిక వ్యాప్తికి దోహదం అవుతుందని పలువురు ఆందోళ వ్యక్తం చేస్తూ, అవగాహన కార్యక్రమాలు చేపట్టాలని కో‌రుతున్నారు.

★ అంటే స్టేషనరీ షాపులు, బ్యూటీ సెలూన్స్, డ్రై క్లీనర్స్, ఎలక్ట్రికల్ స్టోర్స్ వంటివి అన్నీ తెరచుకోవచ్చు.

★ ఐతే… రాష్ట్ర ప్రభుత్వాల అనుమతి ఉండాలి. అలాగే… ఇదివరకట్లా అందరు ఉద్యోగులూ ఆ షాపుల్లో ఉండకూడదు.

★ సగం(50%) మంది ఉద్యోగులతోనే నడపాలి.

★ అలాగే సోషల్ డిస్టాన్స్ మెయింటేన్ చెయ్యాలి.

★ అలాగే అందరూ మాస్కులు తప్పనిసరిగా ధరించాలి.

Categories
ANDHRA PRADESH FEATURED POLITICS

రాజకీయాలకు వల్లభనేని గుడ్ బై ! పోస్ట్ డిలీట్..

తెలుగుదేశం పార్టీకి రాజీనామా చేసిన కృష్ణా జిల్లా గన్నవరం ఎమ్మెల్యే… వైసీపీలో చేరిన సంగతి తెలిసిందే. అయితే, ఆయన పూర్తి స్థాయిలో రాజకీయాల నుంచి తప్పుకోవాలనుకుంటున్నారా? అనే చర్చ పెద్ద ఎత్తున జరుగుతోంది. దీనికి కారణం ఫేస్ బుక్ లో ఆయన పెట్టిన పోస్ట్. ‘పద్నాలుగు సంవత్సరాల రాజకీయ ప్రస్థానంలో నా కష్టసుఖాలలో వెన్నంటి నిలిచిన ప్రతి ఒక్కరికీ పేరుపేరున హృదయపూర్వక ధన్యవాదాలు’ అంటూ వంశీ పెట్టిన పోస్ట్ చర్చనీయాంశంగా మారింది.

దమ్ముంటే రా తేల్చుకుందాం ..సవాల్

వైసీపీలో కూడా వల్లభనేని వంశీ ఇమడలేకపోతున్నారా? రాజకీయాల నుంచి పూర్తిగా తప్పుకుంటున్నారా? అనే చర్చ పెద్ద ఎత్తున జరుగుతోంది. వాస్తవానికి వైసీపీలో అధికారికంగా వంశీ చేరపోయినప్పటికీ… ముఖ్యమంత్రి జగన్ కు మద్దతిస్తున్నారు. అసెంబ్లీలో సైతం ప్రభుత్వానికి అనుకూలంగానే మాట్లాడుతున్నారు. చంద్రబాబు, లోకేశ్, టీడీపీలపై ఆయన చేసిన విమర్శలు చర్చనీయాంశంగా మారాయి. ఈ నేపథ్యంలో, సోషల్ మీడియాలో వంశీ చేసిన కామెంట్ తో మళ్లీ చర్చ మొదలైంది. వైసీపీ శిబిరంలో వంశీ ఇమడలేకపోతున్నారా? సొంత నియోజకవర్గంలో తగిన ప్రాధాన్యత దక్కలేదా? అని చర్చించుకుంటున్నారు. మరోవైపు, ఈ పోస్టు వైరల్ అయిన నేపథ్యంలో… దాన్ని వంశీ తొలగించారు.